കാളികാവ്: നെല്‍കൃഷിയെ നേരിട്ടറിയാന്‍ നീലാഞ്ചേരി ഗവ. ഹൈസ്‌കൂള്‍ വിദ്യാര്‍ഥികള്‍ പാടത്തിറങ്ങി. സ്‌കൂളിലെ വിവിധ ക്ലബുകളുടെ നേതൃത്വത്തില്‍ നടന്ന പരിപാടിയില്‍ വിദ്യാര്‍ഥികള്‍ ഞാറു നടല്‍ അടക്കമുള്ള കാര്യങ്ങളില്‍ പങ്കാളികളായി.
അധ്യാപകരും ചോക്കാട് സംസ്ഥാന വിത്തുല്‍പാദന കേന്ദ്രത്തിലെ തൊഴിലാളികളും കുട്ടികള്‍ക്ക് ഓരോ ഘട്ടങ്ങളും കൃത്യമായിവിവരിച്ചു നല്‍കി.
നെല്‍കൃഷിയില്‍ പങ്കുചേരുക നെല്‍ കൃഷിയിലെ വിവിധ ഘട്ടങ്ങള്‍ തിരിച്ചറിയുക എന്ന ലക്ഷ്യത്തോടെ ചോക്കാട് സംസ്ഥാന വിത്തുല്‍പാദന കേന്ദ്രത്തിലേക്ക്  'വയല്‍ വരമ്പത്ത് ' എന്ന കൃഷി സന്ദര്‍ശനം സംഘടിപ്പിച്ചു.  
സൂപ്ര@ണ്ട് ബിജു.പി.മാത്യു, കൃഷി അസിസ്റ്റന്റ് എം.എം അസ്‌ലം കുട്ടികളുമായി സംവദിച്ചു.
അധ്യാപകരായ കെ.ടി സുനില്‍, പി.പി ബിജു, ജെ. ജയശങ്കരന്‍, പി.സി വിജീഷ്, കെ.ലൈജ, പ്രധാനാധ്യാപകന്‍ വി. ഷരീഫ്, പി.ടി.എ പ്രസിഡന്റ് കെ.പി യൂസുഫ് പരിപാടിക്ക് നേതൃത്വം നല്‍കി.