മസ്‌കത്ത്: 2,500 റിയാലിന് മുകളില്‍ (പ്രതിവര്‍ഷം 30,000 റിയാലില്‍ കൂടുതല്‍ വരുമാനം) പ്രതിമാസ ശമ്പളം വാങ്ങുന്ന വ്യക്തികള്‍ക്ക് ഒമാനില്‍ ആദായനികുതി ബാധകമാകുമെന്ന് ശൂറയിലെ ഇകണോമിക് ആന്‍ഡ് ഫിനാന്‍ഷ്യല്‍ കമ്മിറ്റി ചെയര്‍മാന്‍ അഹമ്മദ് അല്‍ ഷര്‍ഖി. ആദായനികുതി സംബന്ധിച്ച കരട് നിയമത്തിലെ 29 ലധികം ആര്‍ട്ടിക്കിളുകള്‍ ഭേദഗതി ചെയ്തിട്ടുണ്ടെന്നും അദ്ദേഹം അറിയിച്ചു. അതേസമയം 2,500 റിയാലിന് താഴെ ശമ്പളമുള്ളവരെ നികുതിയില്‍ നിന്ന് ഒഴിവാക്കും. ഉയര്‍ന്ന വരുമാനമുള്ളവര്‍ക്ക് വ്യക്തിഗത ആദായനികുതി സ്വീകരിക്കുന്നതിനുള്ള അവസാന നിയമനിര്‍മാണ ഘട്ടത്തിലാണ് ഒമാന്‍. ജൂണില്‍ വ്യക്തിഗത ആദായനികുതി നിയമത്തിന്റെ കരട് കൗണ്‍സില്‍ ഓഫ് സ്റ്റേറ്റിന് ശൂറ കൗണ്‍സില്‍  സമര്‍പ്പിച്ചിരുന്നു.

'വ്യക്തിഗത ആദായനികുതി സംബന്ധിച്ച കരട് നിയമത്തിലെ 29 ലധികം ആര്‍ട്ടിക്കിളുകള്‍ ഭേദഗതി ചെയ്തു, നിയമത്തിന്റെ സ്വാധീനത്തെയും സാമ്പത്തിക സാഹചര്യത്തെയും കുറിച്ച് സമഗ്രമായ പഠനം നടത്തി. കൂടാതെ ഇത് സാമൂഹിക വികസന പദ്ധതികള്‍ക്കായി ഗവണ്‍മെന്റിന് അധിക വരുമാന സ്രോതസ്സ് നല്‍കും' അല്‍ ഷര്‍ഖി ചൊവ്വാഴ്ച മജിസ് ശൂറയുടെ വാര്‍ഷിക മാധ്യമ സമ്മേളനത്തില്‍ പറഞ്ഞു. 'നമ്മുടെ രാജ്യത്തിന്റെ വരുമാനത്തിന്റെ 70% ഇപ്പോഴും എണ്ണയില്‍ നിന്നാണ് കണ്ടെത്തുന്നത്, അതിനാല്‍ വരുമാനത്തിനായുള്ള അധിക സ്രോതസ്സുകള്‍ നാം നോക്കണം, വ്യക്തിഗത ആദായനികുതി നടപ്പാക്കുന്നതിലൂടെ സമ്പദ്‌വ്യവസ്ഥയില്‍ 1% സ്വാധീനം ചെലുത്തും' അല്‍ ഷര്‍ഖി പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Oman has announced plans to impose income tax on individuals earning a monthly salary above 2,500 Omani rials, aiming to enhance revenue and rebalance the economy.