അബൂദബി: അഞ്ചു പേര്‍ക്കു വരെ യാത്ര ചെയ്യാവുന്ന പൈലറ്റില്ലാ ചെറുവിമാനത്തിന്റെ (ഡ്രോണ്‍) പരീക്ഷണപ്പറക്കല്‍ വിജയകരമായി പൂര്‍ത്തിയാക്കി അബൂദബി. അതേസമയം വിനോദ സഞ്ചാരത്തിനായും ഡ്രോണ്‍ ഉപയോഗിക്കാനുള്ള ഒരുക്കത്തിലാണ് അബൂദബി

യുഎഇയില്‍ ഡ്രൈവറില്ലാ മെട്രോയിലും കാറിലും ബസിലും യാത്ര ചെയ്ത സ്വദേശികള്‍ക്കും വിദേശികള്‍ക്കും പോക്കറ്റില്‍ കാശുണ്ടെങ്കില്‍ ഇനി ഡ്രോണ്‍ യാത്രയും ആസ്വദിക്കാനാകും. അബൂദബി ക്രൂസ് ടെര്‍മിനലിലേക്കായിരുന്നു ഡ്രോണിന്റെ ആദ്യയാത്ര. അഡ്വാന്‍സ്ഡ് മൊബിലിറ്റി ഹബ്ബും അബൂദബി പോര്‍ട്‌സ് ഗ്രൂപ്പും സഹകരിച്ചായിരുന്നു പരീക്ഷണപ്പറക്കല്‍.

ഇവിറ്റോള്‍ എന്ന ഇലക്ട്രിക് ഡ്രോണിന് ലംബമായ ടേക്ക് ഓഫും ലാന്‍ഡിങും സാധിക്കും, അതുകൊണ്ടുതന്നെ സര്‍വീസ് നടത്തുന്നതിന് ഒരുപാട് സ്ഥലം ആവശ്യമില്ല. ഡ്രോണുകള്‍ക്ക് സുരക്ഷിതമായ ലാന്‍ഡിങിനും ടേക്ക് ഓഫിനും ചെറിയ സ്ഥലത്ത് ഒരുക്കുന്ന വെര്‍ട്ടിപോര്‍ട്ട് മതി. ഡ്രോണ്‍ ലക്ഷ്യസ്ഥാനത്തേക്കു നിമിഷ നേരം കൊണ്ട് കുതിക്കുന്നതിനൊപ്പം കാര്‍ബണ്‍ മലിനീകരണവും കുറയ്ക്കാനാകുമെന്ന് മള്‍ട്ടി ലെവല്‍ ഗ്രൂപ്പ് സിഇഒ മുഹമ്മദ് സലാ വ്യക്തമാക്കി. പരിശീലനപ്പറക്കലിന്റെ ദൃശ്യം പുറത്തുവിട്ടത് അബൂദബി മീഡിയ ഓഫിസാണ്. ചരക്കുനീക്കത്തിനായും ഡ്രോണ്‍ ഉപയോഗിക്കും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Abu Dhabi is launching drone services to revolutionize tourism, offering visitors unique aerial experiences and breathtaking views of the city ¹. This innovative move aims to enhance the emirate's tourism sector, providing an exciting and modern perspective on its stunning landscapes.