ന്യൂഡല്‍ഹി: ഇന്ത്യന്‍ അതിര്‍ത്തിയില്‍ യുദ്ധ വിമാനങ്ങള്‍ പ്രവേശിപ്പിച്ചെന്ന പാക് വാദത്തെ തള്ളി ഇന്ത്യ. പാകിസ്താന്റെ യുദ്ധ വിമാനങ്ങള്‍ സിയാചിന്‍ മേഖലയില്‍ ഇന്ത്യന്‍ വ്യോമാതിര്‍ത്തി കടന്നിട്ടില്ലെന്ന് ഇന്ത്യന്‍ എയര്‍ ഫോഴ്‌സ് അറിയിച്ചു.

പാകിസ്താന്റെ സൈനിക മേധാവിയുമായി പാക് യുദ്ധ വിമാനം അതിര്‍ത്തി കടന്നെന്നാണ് പാക് മാധ്യമങ്ങള്‍ റിപ്പോര്‍ട്ട് ചെയ്തത്. ഇതിനെയാണ് ഇന്ത്യന്‍ വ്യോമസേന വിഭാഗം തള്ളിയത്. പാക് സൈനിക മേധാവി സൊഹൈല്‍ അമന്‍ ഇന്ത്യക്കെതിരേയുള്ള സൈനിക നടപടിയുടെ ഭാഗമായി യുദ്ധ വിമാനവുമായി അതിര്‍ത്തി കടന്നെന്നായിരുന്നു പാകിസ്താന്റെ വാദം.

കഴിഞ്ഞ ദിവസം ഇന്ത്യന്‍ സൈന്യം പാക് സൈനിക പോസ്റ്റുകള്‍ക്കു നേരെ ആക്രമണം നടത്തിയിരുന്നു. ഇതിന്റെ വീഡിയോ സൈന്യം പുറത്തുവിടുകയും ചെയ്തിരുന്നു. സിയാചിന്‍ മേഖലയില്‍ ഇന്ത്യ കര്‍ശന സുരക്ഷയാണ് ഒരുക്കിയിരിക്കുന്നത്.