പാലക്കാട്: പാലക്കാട്ടെ ജനങ്ങളില്‍ വിശ്വാസമുണ്ടെന്നും അവര്‍ തന്ന സ്‌നേഹത്തിന് നന്ദിയെന്നും സന്ദീപ് വാര്യര്‍. അടുത്ത തെരഞ്ഞെടുപ്പില്‍ പാലക്കാട് നഗരസഭ കോണ്‍ഗ്രസ് ഭരിക്കുമെന്നും അദ്ദേഹം പറഞ്ഞു. 

'പാലക്കാട് മുനിസിപ്പാലിറ്റിയില്‍ ബി.ജെ.പിയുടെ അടിവേര് യു.ഡി.എഫ് മാന്തി. പരാജയത്തിന്റെ ഉത്തരവാദിത്തം കെ.സുരേന്ദ്രനാണ്. സുരേന്ദ്രന്‍ രാജിവയ്ക്കാതെ ബി.ജെ.പി കേരളത്തില്‍ രക്ഷപ്പെടില്ല. പാല്‍ സൊസൈറ്റിയിലെ തെരഞ്ഞെടുപ്പ് മുതല്‍ ലോക്സഭാ തെരഞ്ഞെടുപ്പ് വരെ കൃഷ്ണകുമാറും അദ്ദേഹത്തിന്റെ ഭാര്യയുമാണ് സ്ഥാനാര്‍ഥി. മാരാര്‍ജി ഭവനില്‍നിന്ന് സുരേന്ദ്രനെയും സംഘത്തെയും അടിച്ചു പുറത്താക്കി ചാണകവെള്ളം തളിക്കാതെ ബി.ജെ.പി രക്ഷപ്പെടില്ല.' സന്ദീപ് വാര്യര്‍ പറഞ്ഞു.

പാലക്കാട് ബി.ജെ.പിയെ കൃഷ്ണകുമാറിനും ഭാര്യയ്ക്കും എഴുതിക്കൊടുത്തതിന്റെ ഫലമാണ് ഇപ്പോള്‍ കാണുന്നത്. പാലക്കാട് സന്ദീപിന്റെ എഫക്ട് ആണെന്ന് ഞാന്‍ ഒരിക്കലും പറയില്ല. യു.ഡി.എഫ് പ്രവര്‍ത്തകരുടേയും നേതൃത്വത്തിന്റേയും കഠിന പ്രയത്നമാണ് ഈ മുന്നേറ്റത്തിന് കാരണം.- സന്ദീപ് മാധ്യമങ്ങളോട് പറഞ്ഞു.