തിരുവനന്തപുരം: അരുവിക്കര മണ്ഡലത്തിലെ ഡയറി സയന്‍സ് കോളജിന്റെ കാര്യം സര്‍ക്കാര്‍ ഗൗരവത്തില്‍ എടുക്കുമെന്ന് മന്ത്രി വി.എസ്. സുനില്‍കുമാര്‍.
വിതുര ചെറ്റച്ചലില്‍ ഡയറി സയന്‍സ് കോളജ് ആരംഭിക്കാന്‍ നടപടി വേണമെന്ന കെ.എസ്. ശബരീനാഥന്റെ സബ്മിഷന് മറുപടി നല്‍കുകയായിരുന്നു മന്ത്രി. സ്ഥലം ലഭ്യമല്ലാത്തതിനാല്‍ കരകുളം കെല്‍ട്രോണ്‍ കാംപസിലാണ് ഇപ്പോള്‍ കോളജ് പ്രവര്‍ത്തിക്കുന്നത്. കോളജിനായി സ്ഥലം കണ്ടെത്താന്‍ കലക്ടര്‍ക്ക് നിര്‍ദേശം നല്‍കിയിട്ടുണ്ട്.
ഉചിതമായ സ്ഥലം ലഭിച്ചാല്‍ സര്‍വകലാശാല മാനദണ്ഡങ്ങള്‍ പ്രകാരം കോളജിന്റെ പ്രവര്‍ത്തനം ആരംഭിക്കുമെന്നും മന്ത്രി പറഞ്ഞു.