വാഷിങ്ടണ്‍: ഇന്ത്യയും അമേരിക്കയും തമ്മിലുള്ള വാണിജ്യ-സാമ്പത്തിക മേഖലയിലെ പ്രതിസന്ധിപരിഹരിക്കുന്നതിന്റെ ഭാഗമായി ഇരു രാജ്യങ്ങളിലെയും പ്രതിനിധികള്‍ ഇന്ന് ഡല്‍ഹിയില്‍ കൂടിക്കാഴ്ച നടത്തും. ഇന്ത്യ-യു.എസ് രാജ്യങ്ങള്‍ തമ്മിലുള്ള ഉഭയകക്ഷി ബന്ധം ശക്തിപ്പെടുത്തുകയെന്നതും കൂടിക്കാഴ്ചയുടെ ലക്ഷ്യമാണ്.
ക്രിസ്റ്റഫര്‍ വില്‍സണിന്റെ നേതൃത്വത്തില്‍ മധ്യ-ദക്ഷിണ ഏഷ്യയിലെ യു.എസ് വാണിജ്യ പ്രതിനിധി സംഘം ഡല്‍ഹിയില്‍ മുതിര്‍ന്ന സര്‍ക്കാര്‍ ഉദ്യോഗസ്ഥന്‍മാരുമായി ചര്‍ച്ച നടത്തുമെന്ന് സര്‍ക്കാര്‍ പത്രക്കുറിപ്പില്‍ അറിയിച്ചു. കേന്ദ്ര വാണിജ്യമന്ത്രാലയത്തിലെ മുതിര്‍ന്ന ഉദ്യോഗസ്ഥരുടെ പ്രത്യേക സംഘം യു.എസ് സംഘവുമായി ചര്‍ച്ച നടത്തുമെന്ന് വിദേശകാര്യ മന്ത്രാലയ വക്താവ് രവീഷ് കുമാറും അറിയിച്ചു.