തിരുവനന്തപുരം: ഓണ്‍ലൈന്‍ വഴി പെണ്‍വാണിഭം നടത്തുന്ന സംഘത്തില്‍പെട്ടവരും ഇടപാടുകാരുമുള്‍പ്പടെ ഒന്‍പത് പേര്‍ പിടിയില്‍. ആറു സ്ത്രീകളും മൂന്നു പുരുഷന്‍മാരുമാണ് പിടിയിലായത്. ഇവരില്‍ മൂന്നു പേരുടെ അറസ്റ്റ് രേഖപ്പെടുത്തി. നെടുമങ്ങാട് സ്വദേശികളായ സബീന (60), കിഷോര്‍ (50), ഷജീബ്ഖാന്‍ (38) എന്നിവരുടെ അറസ്റ്റാണ് രേഖപ്പെടുത്തിയത്.
നഗരത്തില്‍ പട്ടം കേന്ദ്രീകരിച്ച് വീട് വാടകക്കെടുത്തായിരുന്നു സംഘത്തിന്റെ പ്രവര്‍ത്തനം. കുടുംബമാണെന്ന് പരിസരവാസികളെ തെറ്റിദ്ധരിപ്പിച്ചായിരുന്നു ഇവിടെ പെണ്‍വാണിഭം നടത്തിയിരുന്നത്. ഓണ്‍ലൈന്‍ സൈറ്റില്‍ പരസ്യം നല്‍കിയാണ് ഇടപാടുകാരെ കണ്ടെത്തുന്നത്.വെബ്‌സൈറ്റില്‍ നല്‍കിയ ഫോണ്‍നമ്പറില്‍ ബന്ധപ്പെടുന്നവരെ ഇടനിലക്കാരന്‍ കേന്ദ്രത്തിലെത്തിക്കും. നഗരത്തില്‍ പലയിടത്തും ഇത്തരത്തില്‍ പെണ്‍വാണിഭ സംഘം സജീവമാണെന്നാണ് വിവരം.