വിധിയെഴുത്തിന്റെ രണ്ടാംഘട്ടം ഇന്ന്
സ്വന്തം ലേഖകന്
കൊച്ചി: തദ്ദേശ തെരഞ്ഞെടുപ്പിലെ രണ്ടാംഘട്ട വിധിയെഴുത്തിനായി ഇന്ന് അഞ്ച് ജില്ലകള് കൂടി പോളിങ് ബൂത്തിലേക്ക്.
കൊവിഡ് ഭീതിക്കിടെ നടന്ന ആദ്യഘട്ട വോട്ടെടുപ്പിലെ മികച്ച പോളിങ്ങിന്റെ ആത്മവിശ്വാസത്തിലാണ് കോട്ടയം, എറണാകുളം,തൃശൂര്, പാലക്കാട്, വയനാട് ജില്ലകളിലെ 451 തദ്ദേശസ്ഥാപനങ്ങളിലെ 8,116 വാര്ഡുകളിലേക്ക് ഇന്ന് വോട്ടെടുപ്പ് നടക്കുന്നത്.
രാവിലെ ഏഴു മുതല് വൈകിട്ട് ആറു വരെയാണ് വോട്ടെടുപ്പ്. വോട്ടെടുപ്പിന്റെ അവസാന ഒരു മണിക്കൂര് കൊവിഡ് രോഗികള്ക്കും നിരീക്ഷണത്തില് കഴിയുന്നവര്ക്കും പി.പി.ഇ കിറ്റ് ധരിച്ച് വോട്ടു ചെയ്യാം.
47,28,489 പുരുഷന്മാരും 51,28,361 സ്ത്രീകളും 93 ട്രാന്സ്ജെന്റേഴ്സും 265 പ്രവാസി ഭാരതീയരും അടക്കം 98,57,208 വോട്ടര്മാരാണ് രണ്ടാം ഘട്ടത്തിലുള്ളത്. ഇതില് 57,895 പേര് കന്നിവോട്ടര്മാരാണ്.
12,643 പോളിങ് ബൂത്തുകളാണ് സജ്ജീകരിച്ചിരിക്കുന്നത്. 473 പ്രശ്നബാധിത പോളിങ് ബൂത്തുകളില് വെബ്കാസ്റ്റിങും ഏര്പ്പെടുത്തിയിട്ടുണ്ട്. തെരഞ്ഞെടുപ്പ് ഡ്യൂട്ടിക്കായി 63,187 ഉദ്യോഗസ്ഥരെയും വിന്യസിച്ചിട്ടുണ്ട്. പോളിങ് സ്റ്റേഷനുകളിലേക്കുള്ള വോട്ടിങ് യന്ത്രങ്ങളുടേയും സാമഗ്രികളുടെയും വിതരണം ഇന്നലെ പൂര്ത്തിയായി. അവശേഷിക്കുന്ന നാലു ജില്ലകളില് വോട്ടെടുപ്പ് 14ന് നടക്കും. 16നാണ് വോട്ടെണ്ണല്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."