തേഞ്ഞിപ്പലം: അധ്യാപനരംഗത്ത് തുടര്‍ച്ചയായി 50 വര്‍ഷം സേവനം പൂര്‍ത്തിയാക്കിയ മദ്‌റസ അധ്യാപകരെ സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ സ്വര്‍ണസേവന അവാര്‍ഡ് നല്‍കി ആദരിക്കുന്നു.
എ.കെ ഇബ്രാഹിം മുസ്‌ലിയാര്‍ കടിയങ്ങാട്, മുഹമ്മദ് കോയ മുസ്‌ലിയാര്‍ മാവൂര്‍ (കോഴിക്കോട് ജില്ല), മുഹമ്മദ് മുസ്‌ലിയാര്‍ ബി.പി അങ്ങാടി, അബൂബക്കര്‍ മുസ്‌ലിയാര്‍ കോഡൂര്‍, മുഹമ്മദ് മുസ്‌ലിയാര്‍ തൃപ്പങ്ങോട്, അഹമ്മദ് മുസ്‌ലിയാര്‍ കോഴിച്ചെന, പി. ചേക്കു മുസ്‌ലിയാര്‍ ഒതുക്കുങ്ങല്‍, മരക്കാര്‍ മുസ്‌ലിയാര്‍ ആനമങ്ങാട് (മലപ്പുറം ജില്ല), മുഹമ്മദ് മുസ്‌ലിയാര്‍ പള്ളിപ്പുറം (പാലക്കാട് ജില്ല) എന്നിവരാണ് ഈ വര്‍ഷത്തെ സുവര്‍ണ സേവന അവാര്‍ഡിന് അര്‍ഹത നേടിയവര്‍.
24ന് ചേളാരിയില്‍ നടക്കുന്ന സംസ്ഥാന സാരഥി സംഗമത്തില്‍ ഇവര്‍ അവാര്‍ഡ് ഏറ്റുവാങ്ങും.