തളിപ്പറമ്പ് (കണ്ണൂര്‍): സുപ്രിംകോടതി ചീഫ് ജസ്റ്റിസ് രഞ്ജന്‍ ഗൊഗോയ് തളിപ്പറമ്പ് രാജരാജേശ്വര ക്ഷേത്രത്തില്‍ ദര്‍ശനം നടത്തി. ഇന്നലെ രാത്രി 7.20ഓടെ ഭാര്യ രൂപാഞ്ജലി ഗൊഗോയ്‌ക്കൊപ്പമാണ് അദ്ദേഹം ക്ഷേത്രത്തില്‍ എത്തിയത്. പയ്യന്നൂരിലെ ജ്യോത്സ്യനായ മാധവ പൊതുവാളും ഒപ്പമുണ്ടായിരുന്നു. ടി.ടി.കെ ദേവസ്വം എക്‌സിക്യൂട്ടീവ് ഓഫിസര്‍ മുല്ലപ്പള്ളി നാരായണന്‍ നമ്പൂതിരി അദ്ദേഹത്തെ പൊന്നാടയണിയിച്ച് സ്വീകരിച്ചു. ട്രസ്റ്റി ബോര്‍ഡ് അംഗങ്ങളായ കെ.വി കൃഷ്ണന്‍, കെ. രാജീവന്‍ എന്നിവരും സന്നിഹിതരായിരുന്നു. നേരത്തേ പയ്യന്നൂര്‍ സുബ്രഹ്മണ്യസ്വാമി ക്ഷേത്രത്തിലും ചീഫ് ജസ്റ്റിസ് ദര്‍ശനം നടത്തി.