തൊടുപുഴ: എല്‍.ഡി.എഫ് സര്‍ക്കാരിന്റെ ഒന്നാം വാര്‍ഷികത്തോടനുബന്ധിച്ച് കേരളാ യൂത്ത് ഫ്രണ്ടിന്റെ (ജേക്കബ്) നേതൃത്വത്തില്‍ 'ഓര്‍മപ്പെടുത്തല്‍ ദിനമായി' ആചരിക്കുകയാണെന്ന് സംസ്ഥാന പ്രസിഡന്റ് പ്രേംസണ്‍ മഞ്ഞാമറ്റം വാര്‍ത്താസമ്മേളനത്തില്‍ പറഞ്ഞു. ഇതിന്റെ ഭാഗമായി എല്‍.ഡി.എഫിന്റെ പ്രകടനപത്രികയുടെ പകര്‍പ്പ്  മുഖ്യമന്ത്രിക്കും മന്ത്രിമാര്‍ക്കും വി.എസ്. അച്യുതാനന്ദനും തപാല്‍വഴി അയച്ചുകൊടുക്കും. തിരഞ്ഞെടുപ്പിന് മുമ്പ് ജനങ്ങള്‍ക്ക് നല്‍കിയ വാഗ്ദാനങ്ങളെക്കുറിച്ചും വികസന പദ്ധതികളെക്കുറിച്ചും മുഖ്യമന്ത്രിയെയും മന്ത്രിമാരെയും ഓര്‍മപ്പെടുത്തുന്നതിനാണിത്.