HOME
DETAILS

ഡെപ്യൂട്ടി തഹസില്‍ദാറെയും സംഘത്തെയും അപായപ്പെടുത്താന്‍ ശ്രമം

  
backup
October 01 2018 | 00:10 AM

%e0%b4%a1%e0%b5%86%e0%b4%aa%e0%b5%8d%e0%b4%af%e0%b5%82%e0%b4%9f%e0%b5%8d%e0%b4%9f%e0%b4%bf-%e0%b4%a4%e0%b4%b9%e0%b4%b8%e0%b4%bf%e0%b4%b2%e0%b5%8d%e2%80%8d%e0%b4%a6%e0%b4%be%e0%b4%b1%e0%b5%86%e0%b4%af

കുറ്റ്യാടി: അനധികൃതമായി മണല്‍വാരുന്നുണ്ടെന്നറിഞ്ഞ് പരിശോധനയ്‌ക്കെത്തിയ ഡെപ്യൂട്ടി തഹസില്‍ദാറെയും സംഘത്തേയും മണല്‍മാഫിയ അപായപ്പെടുത്താന്‍ ശ്രമിച്ചു. കൊയിലാണ്ടി ഡെപ്യൂട്ടി തഹസില്‍ദാര്‍ പി. ശശിധരന്‍ മറ്റ് റവന്യു ഉദ്യോഗസ്ഥര്‍ എന്നിവരെയാണ് ഇവര്‍ സഞ്ചരിച്ച വാഹനത്തില്‍ ടിപ്പറുകൊണ്ടിടിച്ചു അപായപ്പെടുത്താന്‍ ശ്രമിച്ചത്. വേളം പള്ളിയത്ത് അങ്ങാടിയില്‍ വച്ച് ഞായറാഴ്ച പുലര്‍ച്ചയോടെയാണ് സംഭവം.
ചെറുവണ്ണൂര്‍ പഞ്ചായത്തിലെ പെരിഞ്ചേരികടവില്‍ നിന്ന് അനധികൃതമായി മണല്‍ കയറ്റി വരികയായിരുന്ന കെ.എല്‍.13.ജെ 1995 നമ്പര്‍ ടിപ്പറാണ് തഹസില്‍ദാര്‍ കൈകാണിച്ചിട്ടും നിര്‍ത്താതെ പോയത്. തുടര്‍ന്ന് ലോറിയെ പിന്തുടരുകയും പള്ളിയത്ത് വച്ച് മറികടന്ന് പിടിക്കാന്‍ ശ്രമിക്കവെ ടിപ്പര്‍ ലോറി തഹസില്‍ദാരുടെ വാഹനത്തെ ഇടിച്ചുതെറിപ്പിക്കുകയായിരുന്നു.
ഇതിനിടെ രക്ഷപ്പെടാന്‍ ശ്രമിച്ച ടിപ്പര്‍ലോറി നിര്‍ത്തിയിട്ട സ്‌കൂട്ടറില്‍ ഇടിച്ചു നില്‍ക്കുകയും ലോറി ഡ്രൈവര്‍ ഓടിരക്ഷപ്പെടുകയും ചെയ്തു. സംഭവ സമയം വാഹനത്തിലുണ്ടായിരുന്ന തഹസില്‍ദാര്‍ അടക്കമുള്ളവര്‍ പരുക്കേല്‍ക്കാതെ രക്ഷപെട്ടു.
താലൂക്ക് ഓഫിസിലെ ക്ലാര്‍ക്ക് വി.ജി ശ്രീജിത്ത്, ഡ്രൈവര്‍ എം.കെ ബിനു എന്നിവരായിരുന്നു സംഘത്തിലുണ്ടായിരുന്നത്. വാഹനത്തിന് സാരമായ കേടുപാടുകള്‍ പറ്റി.
കുറ്റ്യാടി എസ്.ഐ ഹരീഷിന്റെ നേതൃത്വത്തിലുള്ള പൊലിസ് സംഘം സ്ഥലത്തെത്തി ലോറി കസ്റ്റഡിയിലെടുത്ത് സ്റ്റേഷനിലേക്ക് മാക്കി. ഡെപ്യൂട്ടി തഹസില്‍ദാരുടെ പരാതിയില്‍ കേസ് രജിസ്റ്റര്‍ ചെയ്തു അന്വേഷണം ആരംഭിച്ചു.
മണല്‍ കടത്ത് തടയുന്നതിനുള്ള റവന്യുവകുപ്പിന്റെ സ്‌ക്വാഡിന് ആവശ്യമായ സുരക്ഷിത്വം ഉറപ്പുവരുത്തണമെന്നും കുറ്റ്യാടി പുഴയില്‍ നടക്കുന്ന മണല്‍ കടത്ത് തടയുന്നതിനുള്ള നടപടി കുടുതല്‍ ശക്തമാക്കണമെന്നും റിവര്‍മാനേജ്‌മെന്റ് ഫണ്ട് ജില്ലാ വിദഗ്ധസമിതി അംഗം കെ.പി പവിത്രന്‍ ജില്ലാകലക്ടര്‍ക്ക് നല്‍കിയ നിവേദനത്തില്‍ ആവശ്യപ്പെട്ടു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."