ശ്രീനഗര്‍: നാഷനല്‍ കോണ്‍ഫറന്‍സ് നേതാവ് സെയ്ദ് തൗഖീര്‍ അഹമ്മദിന്റെ അംഗരക്ഷകനായ പൊലിസ് കോണ്‍സ്റ്റബിളിനെ ഭീകരര്‍ വെടിവച്ച് കൊലപ്പെടുത്തി. ജമ്മുകശ്മിരിലെ അനന്ത്‌നാഗ് ജില്ലയില്‍ ഇന്നലെയായിരുന്നു സംഭവം.
അംഗരക്ഷകന്‍ റിയാസ് അഹമ്മദാണ് കൊല്ലപ്പെട്ടതെന്ന് പൊലിസ് അറിയിച്ചു. പാര്‍ട്ടി യോഗശേഷം സെയ്ദ് അഹമ്മദ് വീട്ടിലേക്ക് മടങ്ങുമ്പോഴായിരുന്നു ഭീകരാക്രമണം ഉണ്ടായത്. സംഭവത്തിന് പിന്നാലെ പ്രദേശത്ത് പൊലിസ് സുരക്ഷ ശക്തമാക്കി. ഭീകരര്‍ക്കായുള്ള തിരച്ചില്‍ തുടങ്ങിയിട്ടുണ്ട്.