മലപ്പുറം: ഓച്ചിറയില്‍ രണ്ടാഴ്ച മുന്‍പ് അച്ഛനേയും മകനേയും ആക്രമിച്ച് 30,000 രൂപ കവര്‍ന്ന കേസില്‍ ക്വട്ടേഷന്‍ സംഘാംഗങ്ങളെ പിടികൂടി. അനസ്, വൈശാഖ്, അഖില്‍ എന്നിവരെയാണ് ഓച്ചിറ പൊലിസ് മലപ്പുറം ആലത്തൂര്‍പ്പടിയില്‍നിന്ന് പിടികൂടിയത്. കൂടെയുണ്ടായിരുന്ന രാജീവ് രക്ഷപ്പെട്ടു. അനസിന്റെ ഭാര്യ വീട് ആലത്തൂര്‍പ്പടിയിലാണ്.
ഇവിടെനിന്നാണ് മൂവരേയും പിടികൂടിയത്. അനസ് ആലത്തൂര്‍പ്പടിയില്‍നിന്ന് ഓച്ചിറയിലേക്ക് കാറില്‍ പോകുംവഴി അച്ഛനും മകനും സഞ്ചരിച്ച വാഹനത്തില്‍ ഇടിക്കുകയും തുടര്‍ന്നുണ്ടായ വാക്കേറ്റമാണ് പണം കവരുന്നതിലേക്ക് നയിച്ചതെന്നും പ്രതികള്‍ പൊലിസിനോട് പറഞ്ഞു. അനസ് ഒറ്റയ്ക്കായിരുന്നു സഞ്ചരിച്ചത്. വാക്കേറ്റമുണ്ടായശേഷം അനസ് സുഹൃത്തുക്കളോട് ഓച്ചിറ റോഡില്‍ വാഹനം തടഞ്ഞ് ഇരുവരേയും ആക്രമിക്കാന്‍ പദ്ധതിയിട്ടു.
ഇതിനിടയിലാണ് പണം മോഷ്ടിച്ചത്.