മലപ്പുറം: ഫാസിസത്തെ പ്രതിരോധിക്കാനുള്ള ഏറ്റവും മികച്ച ആയുധമാണ് ഗാന്ധി ദര്‍ശനമെന്ന് ഡി.സി.സി പ്രസിഡന്റ് അഡ്വ. വി.വി പ്രകാശ് അഭിപ്രായപ്പെട്ടു. മഹാത്മാഗാന്ധിയുടെ 150 ജന്മദിനത്തോടനുബന്ധിച്ച് ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ ഒരുവര്‍ഷം നീണ്ടുനില്‍ക്കുന്ന വ്യത്യസ്തമായ പരിപാടികളുടെ ജില്ലാതല ഉദ്ഘാടനം മലപ്പുറത്ത് നിര്‍വഹിച്ച് സംസാരിക്കുകയായിരുന്നു അദ്ദേഹം.
ഗാന്ധിജയന്തിയുടെ ഭാഗമായി പുഷ്പാര്‍ച്ചനയും ഗാന്ധിസ്മൃതി സംഗമവും നടന്നു. ഡി.സി.സി വൈസ് പ്രസിഡന്റ് വീക്ഷണം മുഹമ്മദ് അധ്യക്ഷനായി.
എ.കെ അബ്ദുറഹ്മാന്‍, വല്ലാഞ്ചിറ ഷൗക്കത്തലി, ശശീന്ദ്രന്‍ മങ്കട, സക്കീര്‍ പുല്ലാര, അജീഷ് എടാലത്ത്, പി.എ മജീദ്, അഡ്വ. എ.പത്മകുമാര്‍ ,പി.സി വേലായുധന്‍ കുട്ടി, ടി.കെ അലവിക്കുട്ടി,കല്ലായി മുഹമ്മദലി, എന്‍.എ കരീം, എം. വിജയകുമാര്‍ സംസാരിച്ചു.