തേഞ്ഞിപ്പലം: പാണമ്പ്ര ജുമുഅത്ത് പള്ളിയുടെ സ്ഥലം നഷ്ടപ്പെടുന്ന വിധത്തിലുള്ള നാഷണല്‍ ഹൈവേ വികസനം അംഗീകരിക്കാനാവില്ലന്ന് പാണമ്പ്ര ജുമുഅത്ത് പള്ളി കമ്മിറ്റിയുടെ അടിയന്തിര യോഗം തീരുമാനമെടുത്തു. പള്ളിയുടെ ഭാഗമായുള്ള ഖബര്‍സ്ഥാന്‍ (ശ്മശാനഭൂമി) ഏറ്റെടുത്തുകൊണ്ടുള്ള അതോറിറ്റിയുടെ പുതിയ റോഡ് അലൈന്‍മെന്റ് നടപ്പിലാക്കരുതെന്നും പകരം സംവിധാനം കാണണമെന്നും യോഗം ആവശ്യപ്പെട്ടു. പ്രസിഡന്റ് പി.എം. പോക്കര്‍കുട്ടി ഹാജി അധ്യക്ഷനായി. എം. അബൂബക്കര്‍ മൗലവി ചേളാരി, എ.ഉണ്ണീന്‍ ഹാജി സംസാരിച്ചു.