ബദിയഡുക്ക: അനധികൃത മണല്‍ കടത്തുമായി ബന്ധപ്പെട്ട് ഒരാളെ അറസ്റ്റു ചെയ്തു. കുമ്പള കിദുരിലെ രഞ്ചിതി(20)നെയാണ് ബദിയഡുക്ക പൊലിസ് അറസ്റ്റ്‌ചെയ്തത്. മുണ്ട്യത്തടുക്കക്ക് സമീപം ടോറസ് ലോറിയില്‍ കൊണ്ടുവന്ന് ഇറക്കിയ മണല്‍ മറ്റൊരു ടിപ്പര്‍ ലോറിയില്‍ കയറ്റി കടത്തുന്നതിനിടെയാണ് വേഷം മാറിയെത്തിയ പൊലിസ് സംഘം ടിപ്പര്‍ ലോറി പിടികൂടി രഞ്ചിതിനെ അറസ്റ്റു ചെയ്തത്.
അനധികൃത മണല്‍ കടത്ത് തടയുന്നതിന്റെ ഭാഗമായി ബദിയഡുക്ക പൊലിസ് രാത്രികാല പരിശോധന കര്‍ശനമാക്കിയിരുന്നു.
ഇന്നലെ പുലര്‍ച്ചെ ബദിയഡുക്ക പൊലിസ് സബ് ഇന്‍സ്‌പെക്ടര്‍ കെ.ആര്‍ അമ്പാടിയുടെ നേതൃത്വത്തിലുള്ള പൊലിസ് സംഘം ബദിയഡുക്ക െേപാലിസ് സ്റ്റേഷന്‍ പരിധിയിലെ പുത്തിഗെ ഏല്‍ക്കാന, ഷിരിയ, അഡ്ക്കസ്ഥല പുഴകളില്‍ മണലൂറ്റുന്നുവെന്ന രഹസ്യ വിവരത്തെ തുടര്‍ന്ന് പൊലിസ് സംഘം എത്തുമ്പോഴേക്കും വിവരം ചോര്‍ന്നതിനാല്‍ മണല്‍ കടത്ത് സംഘം ഉള്‍വലിഞ്ഞിരുന്നു.