കണ്ണൂര്‍: ഓണ്‍ലൈന്‍ സംവിധാനത്തിലൂടെ ഡിഗ്രി പ്രവേശനത്തിനുള്ള നടപടികള്‍ പുരോഗമിക്കുന്നു. 22നു ആരംഭിച്ച ഡിഗ്രി ഏകജാലക പ്രവേശന അപേക്ഷകള്‍ ഇതുവരെ 16,000 കടന്നു. ജൂണ്‍ എട്ടുവരെ വിദ്യാര്‍ഥികള്‍ക്ക് അപേക്ഷകള്‍ നല്‍കാം.
ഏകജാലക സംവിധാനത്തിലൂടെ അപേക്ഷിക്കുന്നതിന് ജനറല്‍ വിഭാഗത്തില്‍ 600 രൂപയും എസ്.സി, എസ്.ടി വിഭാഗത്തില്‍ 550 രൂപയുമാണ് ഫീസ്. സ്റ്റേറ്റ്ബാങ്ക് വഴി ചെലാന്‍ സംവിധാനത്തിലൂടെ ഫീസ് അടച്ചാല്‍ മാത്രമേ അപേക്ഷകള്‍ സ്വീകരിക്കുകയുള്ളൂ. പ്രവേശനത്തിനുള്ള നടപടികള്‍ ഏകോപിപ്പിക്കുന്നതിനായി സര്‍വകലാശാലാതലത്തില്‍ ഹെല്‍പ് ഡെസ്‌ക് രൂപീകരിച്ചിട്ടുണ്ട്്. ട്രയല്‍ അലോട്ട്‌മെന്റ് 15നുള്ളില്‍ നടക്കും. തുടര്‍ന്ന് പത്തു ദിവസത്തിന് ശേഷമാണ് ഒന്നാം അലോട്ട്‌മെന്റ് നടക്കുക.
ഒന്നാം അലോട്ട്‌മെന്റില്‍ പ്രവേശനം ലഭിച്ചാല്‍ മറ്റു ഫീസുകള്‍ അടക്കണം. ഓണ്‍ലൈന്‍ വഴി അപേക്ഷ സമര്‍പ്പിച്ച അതേ സംവിധാനത്തില്‍ തന്നെ വിദ്യാര്‍ഥികള്‍ക്ക് അലോട്ട്‌മെന്റ് ലിസ്റ്റ് പരിശോധിക്കാം. മൂന്ന് അലോട്ട്‌മെന്റാണ് ഡിഗ്രി പ്രവേശനത്തിനായി ഉണ്ടാകുക. പിന്നീട് ഹയര്‍ ഓപ്ഷന്‍ അവശ്യമുള്ളവര്‍ അലോട്ട്‌മെന്റ് ലഭിക്കുന്ന കോളജുകളിലെത്തി താല്‍കാലിക പ്രവേശനം നേടണം. ഇതിനായി യൂണിവേഴ്‌സിറ്റി ഫീസ് മാത്രം നല്‍കിയാല്‍ മതി.
എളുപ്പത്തില്‍ അപേക്ഷാ നടപടികള്‍ പൂ
ര്‍ത്തീകരിക്കാവുന്ന രീതിയിലാണ് വെബ്‌സൈറ്റ് തയ്യാറാക്കിയിട്ടുള്ളത്. സെന്‍ട്രലൈസ്ഡ് അലോട്‌മെന്റ് പ്രോസസ്സ് എന്ന പേരിലാണ് ഓണ്‍ലൈന്‍ സംവിധാനം. ഇവിടെ ആവശ്യമായ വിവരങ്ങള്‍ നല്‍കി രജിസ്റ്റര്‍ നമ്പര്‍, രഹസ്യ നമ്പര്‍ എന്നിവ നേടണം. ഇവ ഉപയോഗിച്ചാണ് ഏകജാലക രജിസ്‌ട്രേഷന്‍ പൂര്‍ത്തികരിക്കേണ്ടത്.