കാസര്‍കോട്: 'രാജ്യാഭിമാനം കാക്കുക, ആത്മാഭിമാനം ഉണര്‍ത്തുക' എന്ന പ്രമേയത്തില്‍ ഓഗസ്റ്റ് 18 മുതല്‍ 20 വരെ കാസര്‍കോട് നടക്കുന്ന മുസ്‌ലിം യൂത്ത് ലീഗ് ജില്ലാ സമ്മേളനത്തിന്റെ പ്രതിനിധി രജിസ്‌ട്രേഷന്‍ ജില്ലാതല ഉദ്ഘാടനം ജില്ലാ പ്രസിഡന്റ് മൊയ്തീന്‍ കൊല്ലമ്പാടി നിര്‍വഹിച്ചു. മണ്ഡലം പ്രസിഡന്റ് സഹീര്‍ ആസിഫ് അധ്യക്ഷനായി. ജില്ലാ വൈസ് പ്രസിഡന്റ് മുഹമ്മദ് കുഞ്ഞി, സെക്രട്ടറി അഷ്‌റഫ് എടനീര്‍, നാസര്‍ ചായിന്റടി, സിദ്ധീഖ് സന്തോഷ് നഗര്‍, ഫാറൂഖ് കുമ്പഡാജ, ബി.കെ ബഷീര്‍, ബി.എം.സി ബഷീര്‍, അബ്ദുള്‍ റഹ്മാന്‍ തൊട്ട, മൊയ്തീന്‍ കുഞ്ഞി ആദൂര്‍, അജ്മല്‍ തളങ്കര, മജീദ് ചക്കുടല്‍ അര്‍ഷാദ് ടി.എസ്, ഹാരിസ് അന്നടുക്ക സംസാരിച്ചു.