കോഴിക്കോട്: 'ഫാസിസത്തിന് മാപ്പില്ല; നീതി നിഷേധം നടപ്പില്ല' എന്ന മുദ്രവാക്യവുമായി എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ ജൂണ്‍ 12ന് കരിപ്പൂര്‍ എയര്‍പോര്‍ട്ടിലേക്ക് ബഹുജന മാര്‍ച്ച് നടത്തും.
പരസ്പര ശത്രുതയും ഭിന്നതയും വളര്‍ത്തി രാജ്യത്ത് അരക്ഷിതാവസ്ഥ സൃഷ്ടിക്കാനും ന്യൂനപക്ഷ വേട്ട നടത്താനുമുള്ള ഫാസിസ്റ്റ് ഭരണകൂട അജന്‍ഡകള്‍ക്കെതിരേ കനത്ത താക്കീതായിരിക്കും എയര്‍പോര്‍ട്ട് മാര്‍ച്ചെന്ന് ഭാരവാഹികള്‍ അറിയിച്ചു.
അധര്‍മത്തിനെതിരായ സമര സ്മരണ ഉണര്‍ത്തുന്ന ബദര്‍ ദിനത്തിലാണ് മാര്‍ച്ച് സംഘടിപ്പിക്കുന്നത്. കാലത്ത് 9.30ന് കരിപ്പൂര്‍ എയര്‍പോര്‍ട്ട് ജങ്ഷനില്‍ നിന്നാരംഭിക്കുന്ന മാര്‍ച്ചിനെ പ്രമുഖര്‍ അഭിസംബോധനം ചെയ്യും.