കരുനാഗപ്പള്ളി: കഴിഞ്ഞ ദിവസം പള്ളിക്കലാറ്റില്‍ കാണാതായ വിദ്യാര്‍ഥിയുടെ മൃതദേഹം സംസ്‌കരിച്ചു. മാരാരിത്തോട്ടം മിഥുന്‍ സദനത്തില്‍ മിഥുനെ(18) ആണ് കഴിഞ്ഞ ദിവസം കൂട്ടുകാരോടൊപ്പം കുളിക്കാനിറങ്ങിയ സമയം കാണാതായത്. ശനിയാഴ്ച 3 മണിയോടെയായിരുന്നു സംഭവം.
ഫയര്‍ഫോഴ്‌സിന്റെ നേതൃത്വത്തില്‍ രാത്രി വൈകിയും തിരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല. ഞായറാഴ്ച രാവിലെ 10 മണിയോടെ ആശാരിമുക്കിനു സമീപം മൃതദേഹം കണ്ടെത്തുകയായിരുന്നു.
ഇന്നലെ പകല്‍ 3 മണിയോടെ സംസ്‌കരിച്ചു. കല്ലേലിഭാഗം ആര്‍ ശങ്കര്‍ ഐ.ടി.ഐയിലെ വിദ്യാര്‍ഥിയായിരുന്നു മരണപ്പെട്ട മിഥുന്‍. പിതാവ്: മണികണ്ഠന്‍. മാതാവ്: രതി. സഹോദരന്‍: അജയ്.