ബാലരാമപുരം: വീടിന്റെ ഓട് പൊളിച്ച് ഉള്ളില്‍ കടന്ന് മോഷണം നടത്തിയ കേസിലെ പ്രതിയെ ബാലരാമപുരം പൊലിസ് പിടികൂടി. ബാലരാമപുരം വടക്കേത്തോട്ടം രോഹിണി ഭവനില്‍ ഗോപകുമാറിനെ (38)യാണ് കഴിഞ്ഞദിവസം ബാലരാമപുരം പൊലിസ് പിടികൂടിയത്. ഇക്കഴിഞ്ഞ 23 ന് ബാലരാമപുരം തലയല്‍ മുടിപ്പുര രേവതി ഭവനില്‍ രാജേഷിന്റെ വീടിന്റെ ഓടിളക്കിമാറ്റി അകത്ത് കടന്ന് 3500 രൂപയും മൊബൈലും മോഷ്ടിച്ചതുമായി ബന്ധപ്പെട്ട കേസിലാണ് ഇയാളെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.