മാവൂര്‍: സാമ്പത്തിക സന്തുലനത്തിന് സകാത്ത് സംവിധാനം അനിവാര്യമാണെന്നും സകാത്തിലെ അലംഭാവം മറ്റു കര്‍മങ്ങളുടെ സാധൂകരണത്തെ ബാധിക്കുമെന്നും സമസ്ത ജില്ലാ ഉപാധ്യക്ഷന്‍ എന്‍. അബ്ദുല്ല മുസ്‌ലിയാര്‍ പറഞ്ഞു. എസ്.കെ.എസ്.എസ്.എഫ് മാവൂരില്‍ സംഘടിപ്പിച്ച നാലാമത് റമദാന്‍ പ്രഭാഷണത്തിന്റെ രണ്ടാം ദിവസത്തെ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കഴിഞ്ഞദിവസം നടന്ന പ്രഭാഷണത്തിന്റെ സി.ഡി പി.എം അഹമ്മദ് കുട്ടിക്കു നല്‍കി അബ്ദുല്ല മുസ്‌ലിയാര്‍ പ്രകാശനം ചെയ്തു. എന്‍. പി ഹംസ മാസ്റ്റര്‍ അധ്യക്ഷനായി. അന്‍വര്‍ മുഹ്‌യുദ്ദീന്‍ ഹുദവി പ്രഭാഷണം നടത്തി. ചിറ്റടി അഹമ്മദ്കുട്ടി ഹാജി, എന്‍.പി അഹമ്മദ്, അഹമ്മദ് കുട്ടി അരയങ്കോട്, അലി ഹസന്‍ മാവൂര്‍, അശ്കര്‍ പൂവാട്ടുപറമ്പ്, ജലാലുദ്ദീന്‍ ഫൈസി സംസാരിച്ചു. സി.എ ഷുകൂര്‍ മാസ്റ്റര്‍ സ്വാഗതവും കരീം നിസാമി നന്ദിയും പറഞ്ഞു. ഇന്നു പാണക്കാട് റശീദലി ശിഹാബ് തങ്ങള്‍ ഉദ്ഘാടനം ചെയ്യും.