ന്യൂഡല്‍ഹി: ജനുവരി രണ്ടു മുതല്‍ രാജ്യത്തെ എല്ലാം സംസ്ഥാനങ്ങൡും വാക്‌സിന്‍ ഡ്രൈ റണ്‍ നടത്തും. കൊവിഡ് വാക്‌സിനേഷന്‍ നടപടി തുടങ്ങുന്നതിനു മുന്നോടിയായാണ് ഡ്രൈ റണ്‍. നേരത്തെ ഡിസംബര്‍ 28, 29 തിയ്യതികളില്‍ വിവിധ സംസ്ഥാനങ്ങളില്‍ ഡ്രൈ റണ്‍ നടത്തിയിരുന്നു.

ഓരോ സംസ്ഥാനങ്ങളിലും തെരഞ്ഞെടുക്കപ്പെട്ട പ്രദേശങ്ങളിലാണ് ഡ്രൈ റണ്‍ നടക്കുക. കുറച്ചാളുകളെ തെരഞ്ഞെടുപ്പ് വാക്‌സിനേഷന്‍ കേന്ദ്രങ്ങളില്‍ എത്തിച്ച് ഡമ്മി കൊവിഡ് വാക്‌സിന്‍ നല്‍കുന്ന നടപടിയാണ് ഡ്രൈ റണ്‍. കൊവിഡ് വാക്‌സിന്‍ വന്ന ശേഷം നടക്കുന്ന യഥാര്‍ഥ വാക്‌സിനേഷന്‍ നടപടികള്‍ ക്രമത്തിലാക്കാനാണ് ഡ്രൈ റണ്‍.

വാക്‌സിനേഷന് വേണ്ടി രാജ്യം സജ്ജമാണെന്ന് കഴിഞ്ഞ ഡ്രൈ റണ്ണില്‍ വ്യക്തമായെന്ന് ആരോഗ്യമന്ത്രി കഴിഞ്ഞദിവസം പറഞ്ഞിരുന്നു.