ദോഹ: വയനാട് വാകേരി ശിഹാബ് തങ്ങള്‍ ഇസ്്‌ലാമിക് അക്കാദമി റമദാന്‍ കാംപയിന്‍ പ്രവര്‍ത്തനങ്ങള്‍ക്ക് ഖത്തറില്‍ തുടക്കമായി. ഖത്തര്‍ ഇസ്്‌ലാമിക് സെന്റര്‍ പ്രസിഡന്റ് എ.വി.അബൂബക്കര്‍ ഖാസിമിക്ക് പദ്ധതി സമര്‍പ്പണം നടത്തി മുസ്തഫ മാസ്റ്റര്‍ മുണ്ടുപാറ ഉദ്ഘാടനം നിര്‍വഹിച്ചു. ദാറുല്‍ ഹുദാ ഇസ്്‌ലാമിക് യൂനിവെഴ്‌സിറ്റിയുടെ അഫിലിയേഷനുള്ള വയനാട് ജില്ലയിലെ ഏകസ്ഥാപനമാണ് ശിഹാബ് തങ്ങള്‍ ഇസ്്‌ലാമിക് അക്കാദമി. ഖത്തര്‍ ചാപ്റ്റര്‍ പ്രസിഡന്റ് അബു മണിച്ചിറ അധ്യക്ഷത വഹിച്ചു. മൊയ്തീന്‍കുട്ടി പിണങ്ങോട്,എം.വി.കെ. മുഹമ്മദലി, ഫൈസല്‍ ബീനാച്ചി, ജമാല്‍ വാകേരി, നിസാര്‍ആലിക്കുട്ടി സംസാരിച്ചു.