കൊച്ചി: അഞ്ചര വര്‍ഷത്തിന് ശേഷം ഹൈക്കോടതി ഉത്തരവിനെ തുടന്ന് നടന്ന ഫിലിം പ്രൊഡ്യൂസേഴ്‌സ് അസോസിയേഷന്‍ ഭാരവാഹി തെരഞ്ഞെടുപ്പില്‍ എം. രഞ്ജിത്തിനെ പ്രസിഡന്റായി തെരഞ്ഞെടുത്തു. സുരേഷ് കുമാറിന്റെയും എം. രഞ്ജിത്തിന്റെയും നേതൃത്വത്തിലുള്ള ഔദ്യോഗിക പാനലില്‍ നിന്ന് ഹസീബ് ഹനീഫ് ഒഴികെ എല്ലാവരും വിജയിച്ചു. എതിര്‍പക്ഷത്തുïായിരുന്ന സംവിധായകന്‍ കൂടിയായ വിനയന്റെ പാനലില്‍ നിന്ന് ഒരാള്‍മാത്രം വിജയിച്ചു.
വൈസ് പ്രസിഡന്റായി തെരഞ്ഞെടുക്കപ്പെട്ട ലിസ്റ്റിന്‍ സ്റ്റീഫന്‍ ആണ് വിനയന്‍ പക്ഷത്തുനിന്നും വിജയം കïത്. 162 വോട്ടാണ് പ്രസിഡന്റായി തെരഞ്ഞെടുക്കപ്പെട്ട എം. രഞ്ജിത്തിന് കിട്ടിയത്. എതിര്‍ സ്ഥാനാര്‍ഥിവിനയന് 94 വോട്ടും കിട്ടി. ഏഴ് ഭാരവാഹികളെയും 14 അംഗ എക്‌സിക്യൂട്ടീവ് കമ്മിറ്റിയെയുമാണ് നേരിട്ടുള്ള വോട്ടെടുപ്പില്‍ തെരഞ്ഞെടുത്തത്. രാവിലത്തെ ജനറല്‍ ബോഡിക്കു ശേഷം ഉച്ചകഴിഞ്ഞായിരുന്നു വോട്ടെടുപ്പ്.
2014 ലാണ് ജി. സുരേഷ് കുമാര്‍ പ്രസിഡന്റും എം. രഞ്ജിത്ത് സെക്രട്ടറിയുമായുള്ള ഭരണസമിതി അധികാരത്തിലേറിയത്. രïു വര്‍ഷമായിരുന്നു കാലാവധിയെങ്കിലും 2016 ല്‍ ഭരണ സമിതി തെരഞ്ഞെടുപ്പ് നടത്താന്‍ തയാറായില്ല. ഇതേതുടര്‍ന്ന് ഒരു വിഭാഗം ഹൈക്കോടതിയെ സമീപിക്കുകയായിരുന്നു.