കാബൂള്‍: പടിഞ്ഞാറന്‍ ഫ്ഗാനിസ്ഥാനിലുണ്ടായ സ്‌ഫോടനത്തില്‍ 32 പേര്‍ കൊല്ലപ്പെട്ടു. 17 പേര്‍ക്ക് പരുക്കേറ്റു. മരിച്ചവരില്‍ സാധാരണക്കാരും സ്ത്രീകളും കുട്ടികളും ഉള്‍പ്പെടുന്നു. ഹെറാത്ത്-കാണ്ഡഹാര്‍ പാതയില്‍ ബുധനാഴ്ച രാവിലെയാണ് സ്‌ഫോടനം നടന്നത്.

സ്‌ഫോടന സമയത്ത് പാതയിലൂടെ ബസ് കടന്നുപോയിരുന്നു. ഇതിലുള്ള യാത്രക്കാരാണ് മരിച്ചവരിലേറെയും. അഫ്ഗാനിസ്ഥാനിലെ വിദേശ സുരക്ഷാ സേനയെ ലക്ഷ്യം വച്ചാണ് സ്‌ഫോടനം നടന്നതെന്ന് അഫ്ഗാന്‍ വക്തവാവ് മുഹീബുല്ല മുബീബ് പറഞ്ഞു.

അതേസമയം സ്‌ഫോടനത്തിന്റെ ഉത്തരവാദിത്തമേറ്റെടുത്ത് ആരും രംഗത്തെത്തിയിട്ടില്ല.