മുംബൈ: ലോക്‌സഭ പാസാക്കിയ നാഷനല്‍ മെഡിക്കല്‍ കമ്മിഷന്‍ ബില്ലുമായി മുന്നോട്ടുപോവാനുള്ള കേന്ദ്രസര്‍ക്കാരിന്റെ നടപടിയില്‍ പ്രതിഷേധിച്ച് ഇന്ന് മെഡിക്കല്‍ വിദ്യാര്‍ഥികള്‍ ദേശവ്യാപകമായി പഠിപ്പ് മുടക്കും. ബില്ല് ഇന്ന് രാജ്യസഭ പരിഗണിക്കാനിരിക്കെയാണ് വിദ്യാര്‍ഥികളും കേന്ദ്രസര്‍ക്കാരിനെതിരായ പ്രതിഷേധ പരിപാടിയില്‍ പങ്കെടുക്കുന്നത്. ഇന്ത്യന്‍ എഡിക്കല്‍ അസോസിയേഷന്‍ (ഐ.എം.എ) ആണ് ഇക്കാര്യം അറിയിച്ചത്. ബില്ലില്‍ പ്രതിഷേധിച്ച് ഇന്നലെ രാവിലെ മുതല്‍ തുടങ്ങി 24 മണിക്കൂര്‍ നേരത്തേക്ക് ഡോക്ടര്‍മാരും പണിമുടക്ക് പ്രഖ്യാപിച്ചിരുന്നു.