മേപ്പാടി: മഴക്കാലപൂര്‍വ ശുചീകരണം പേരിലൊതുങ്ങുമ്പോള്‍ പകര്‍ച്ചവ്യാധി ഭീഷണിയിലാണ് തോട്ടം മേഖല.
തൊഴിലാളികള്‍ താമസിക്കുന്ന പാടികളുടെ പരിസരം ശുചീകരിക്കാന്‍ കാര്യമായ നടപടി ഇല്ല. പല പാടികളില്‍ നിന്നും മലിനജലം പരന്നൊഴുകുകയാണ്.
വന്‍കിട തോട്ടങ്ങളിലെ പാടികളാണ് തീരെ ശുചീകരിക്കാത്തത്. അഴുക്കുച്ചാല്‍ യതാസമയം വ്യത്തിയാക്കുകയും പരിസരത്തെ മാലിന്യങ്ങള്‍ നീക്കം ചെയുകയും വേണം. അല്ലങ്കില്‍ മഴ ശക്തമാകുന്നതോടെ ഗുരുതരമായ ആരോഗ്യ പ്രശ്‌നങ്ങള്‍ക്ക് കാരണമാകും.
ഹാരിസണ്‍സ് മലയാളം കമ്പനിയുടെ അരപ്പറ്റ, നെടുംങ്കരണ, ചുരല്‍മല എന്നിവിടങ്ങളിലാണ് പാടികളുടെ പരിസരം മലിനമായി കിടക്കുന്നത്.