കൊടുങ്ങല്ലൂര്‍: അനുമതിയില്ലാതെ ബീഫ് ഫെസ്റ്റ് നടത്തിയ കേസില്‍ കോണ്‍ഗ്രസ് നേതാക്കളെ കോടതി ശിക്ഷിച്ചു. ബീഫ് വിവാദത്തെ തുടര്‍ന്ന് കൊടുങ്ങല്ലൂരില്‍ ബീഫ് ഫെസ്റ്റ് നടത്തിയ സംഭവത്തിലാണ് എട്ട് കോണ്‍ഗ്രസ് നേതാക്കള്‍ക്ക് 700 രൂപ പിഴയും കോടതി പിരിയും വരെ തടവും ശിക്ഷ വിധിച്ചത്.
2017 ജൂലൈ 17നാണ് കേസിനാസ്പദമായ സംഭവം നടന്നത്. ബീഫ് ഫെസ്റ്റിന് നേതൃത്വം നല്‍കിയ ഡി.സി.സി അംഗം വേണു വെണ്ണറ, കോണ്‍ഗ്രസ് മണ്ഡലം പ്രസിഡന്റ് ഡില്‍ഷന്‍ കൊട്ടേക്കാട്, യൂത്ത് കോണ്‍ഗ്രസ് മണ്ഡലം പ്രസിഡന്റ് നിഷാഫ് കുര്യാപ്പിള്ളി, കോണ്‍ഗ്രസ് നേതാക്കളായ ടി.എസ് സുദര്‍ശന്‍, കെ.പി സുനില്‍ കുമാര്‍, പ്രദീപ്, നൗഷാദ്, റുവിന്‍ വിശ്വം, പ്രസീണ്‍ എന്നിവരെയാണ് കൊടുങ്ങല്ലൂര്‍ ഒന്നാം ക്ലാസ് മജിസ്‌ട്രേട്ട് എല്‍ദോ മാത്യു ശിക്ഷിച്ചത്. അനുമതിയില്ലാതെ സംഘം ചേര്‍ന്നു എന്നായിരുന്നു ഇവര്‍ക്കെതിരേയുള്ള കേസ്.