കൊല്‍ക്കത്ത: ഡ്യൂറന്റണ്ട് കപ്പിലെ രണ്ട@ാം മത്സരത്തില്‍ ഈസ്റ്റ് ബംഗാളിന് വിജയം. ഇന്നലെ നടന്ന മത്സരത്തില്‍ റെഡ് ആര്‍മിയെ എതിരില്ലാത്ത രണ്ട് ഗോളുകള്‍ക്കാണ് ഈസ്റ്റ് ബംഗാള്‍ പരാജയപ്പെടുത്തിയത്. 85ാം മിനുട്ടില്‍ ഫ്രീകിക്കിലൂടെ ജെയിംസ് സാന്റോസ് ഈസ്റ്റ് ബംഗാളിന് ലീഡ് നല്‍കി. കളിയുടെ അവസാന നിമിഷം ബിദ്യാസാഗര്‍ സിങ് ഈസ്റ്റ് ബംഗാളിന് വിജയമുറപ്പിച്ച ര@ണ്ടാം ഗോളും നേടി. 82ാം മിനുട്ടില്‍ റെഡ് ആര്‍മി താരം സഹ്നൂസിന് ചുവപ്പ് കിട്ടിയതാണ് കളിയുടെ ഗതി മാറ്റിയത്. ചുപ്പ് കാര്‍ഡോടെ 10 പേരായി ചുരുങ്ങിയ റെഡ് ആര്‍മി പരുങ്ങലിലായി. ഈ അവസരം മുതലെടുത്താണ് ഈസ്റ്റ് ബംഗാള്‍ രണ്ട് ഗോളും സ്വന്തമാക്കിയത്.