അഞ്ചല്‍: പൊടിയാട്ടുവിള ഗവ. എല്‍.പി സ്‌കൂളിലെ പ്രവേശനോത്സവത്തോടനുബന്ധിച്ച് സ്‌കൂളിലെ മുഴുവന്‍ കുട്ടികള്‍ക്കും പൂര്‍വവിദ്യാര്‍ഥികളുടെ കൂട്ടായ്മയില്‍ വര്‍ണക്കുടകള്‍ സമ്മാനിച്ചു. പൂര്‍വവിദ്യാര്‍ഥികളായ ജോസ് താന്നിക്കല്‍, എം.സി വിനോദ്, സെബിന്‍ പി മാത്യു എന്നിവരാണ് കുടകള്‍ വിതരണം ചെയ്തത്.
സ്‌കൂള്‍ അങ്കണത്തില്‍ നടന്ന ചടങ്ങില്‍ ഇടമുളയ്ക്കല്‍ ഗ്രാമപഞ്ചായത്ത് പ്രസിഡന്റ് കെ.സി ജോസ് ഉദ്ഘാടനം ചെയ്തു.
എസ്.എം.സി ചെയര്‍മാന്‍ ടി.പി രാധാകൃഷ്ണന്‍ അധ്യക്ഷനായി.
ബ്ലോക്ക് പഞ്ചായത്തംഗം സി. ശ്രീലക്ഷ്മി, എസ്.എം.സി അംഗങ്ങളായ എല്‍. ഗീവര്‍ഗീസ്, ടി.കെ അച്ചന്‍കുഞ്ഞ്, ബാബു ആചാരി, പി.ടി.എ പ്രസിഡന്റ് എം. സുധീഷ്, സ്റ്റാഫ് സെക്രട്ടറി കെ.കെ പ്രസന്നകുമാര്‍ സംസാരിച്ചു.