ലണ്ടന്‍: ചാംപ്യന്‍സ് ട്രോഫി ക്രിക്കറ്റില്‍ ശ്രീലങ്കക്കെതിരേ ദക്ഷിണാഫ്രിക്കയ്ക്ക് 96 റണ്‍സ് വിജയം. ആദ്യം ബാറ്റ് ചെയ്ത ദക്ഷിണാഫ്രിക്ക നിശ്ചിത 50 ഓവറില്‍ ആറ് വിക്കറ്റ് നഷ്ടത്തില്‍ 299 റണ്‍സെടുത്തപ്പോള്‍ ലങ്കയുടെ പോരാട്ടം 41.3  ഓവറില്‍ 203 റണ്‍സില്‍ അവസാനിച്ചു.
ടോസ് നേടി ശ്രീലങ്ക ബൗളിങ് തിരഞ്ഞെടുക്കുകയായിരുന്നു. 25ാം ഏകദിന സെഞ്ച്വറി നേടിയ ഹാഷിം അംലയുടെ കിടയറ്റ ബാറ്റിങാണ് ദക്ഷിണാഫ്രിക്കയ്ക്ക് മികച്ച സ്‌കോര്‍ സമ്മാനിച്ചത്. 115 പന്തില്‍ 103 റണ്‍സാണ് അംല കണ്ടെത്തിയത്. ഫാഫ് ഡുപ്ലെസിസ് 75 റണ്‍സെടുത്തു.
വിജയം തേടിയിറങ്ങിയ ലങ്കയെ മൂന്ന് വിക്കറ്റെടുത്ത ഇമ്രാന്‍ താഹിര്‍ രണ്ട് വിക്കറ്റെടുത്ത ക്രിസ് മോറിസ് എന്നിവരുടെ ബൗളിങ് വെട്ടിലാക്കുകയായിരുന്നു. 57 റണ്‍സെടുത്ത നായകന്‍ ഉപുല്‍ തരംഗയാണ് അവരുടെ ടോപ് സ്‌കോറര്‍.