കോഴിക്കോട്: മുസ്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ക്ക് പെരുന്നാള്‍ ആശംസകളുമായി രാഹുല്‍ ഗാന്ധി എം.പി.
പ്രളയമേഖലകളില്‍ സന്ദര്‍ശനത്തിനെത്തിയ രാഹുല്‍ തിങ്കളാഴ്ച രാവിലെ വയനാട്ടിലേക്കുള്ള യാത്രാമധ്യേയാണ് ഹൈദരലി തങ്ങളെ ഫോണില്‍ വിളിച്ച് ആശംസ അറിയിച്ചത്. തങ്ങളോട് ക്ഷേമാന്വേഷണം നടത്തിയ രാഹുല്‍ അദ്ദേഹത്തിന്റെ ആരോഗ്യസ്ഥിതിയും കുടുംബവിശേഷങ്ങളും ചോദിച്ചറിഞ്ഞു. സുഖമാണോയെന്ന തങ്ങളുടെ ക്ഷേമാന്വേഷണത്തിന് എനിക്ക് സുഖമാണ്, പക്ഷേ രാജ്യത്തിന്റെ അവസ്ഥ വളരെയധികം വിഷമകരമാണെന്നായിരുന്നു രാഹുലിന്റെ മറുപടി.