ഗുഡ്ഗാവ്: ഗുരുഗ്രാമില്‍ ഗണ്‍മാന്റെ വെടിയേറ്റ ജഡ്ജിയുടെ മകന് മസ്തിഷ്‌ക്ക മരണം സംഭവിച്ചതായി പൊലിസ്. ഡോക്ടര്‍മാര്‍ ഇക്കാര്യം സ്ഥിരീകരിച്ചതായി പൊലിസ് വ്യക്തമാക്കി. ആക്രമണത്തില്‍ പരുക്കേറ്റ ജഡ്ജിയുടെ ഭാര്യ കഴിഞ്ഞ ദിവസം മരിച്ചിരുന്നു.

ശനിയാഴ്ചയാണ് ജഡ്ജിയുടെ ഭാര്യ റിതുവിനും മകന്‍ ധ്രുവിനും വെടിയേറ്റത്. ജഡ്ജിയുടെ തന്നെ ഗണ്‍മാന്‍ മഹിപാലാണ് വെടിവച്ചത്. ഷോപ്പിങ്ങിനായി പുറത്തിറങ്ങിയപ്പോഴായിരുന്നു അക്രമം. ഒന്നര വര്‍ഷം മുന്‍പാണ് മഹിപാല്‍ ജഡ്ജിയുടെ ഗണ്‍മാനായി എത്തിയത്. മഹാപാല്‍ ഇപ്പോള്‍ പൊലിസ് കസ്റ്റഡിയിലാണ്.