ദുബൈ: ദുബൈ സര്‍ക്കാരിനു കീഴില്‍ അന്താരാഷ്ട്ര ഹോളി ഖുര്‍ആന്‍ അവാര്‍ഡ് കമ്മിറ്റി സംഘടിപ്പിക്കുന്ന 21ാമത് റമദാന്‍ പ്രഭാഷണ പരിപാടിയില്‍ സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്്‌രി മുത്തുക്കോയ തങ്ങള്‍ മുഖ്യാതിഥിയാകും. ദുബൈ കറാമയിലെ ഊദ് മേത്തയില്‍ നാളെയാണ് പരിപാടി.
ലോകത്തെ ഏറ്റവും വലിയ ഖുര്‍ആന്‍ പാരായണ മത്സര പരിപാടിയോടനുബന്ധിച്ച് ദുബൈ ഹോളി ഖുര്‍ആന്‍ അവാര്‍ഡ് കമ്മിറ്റി വിവിധ ഭാഷകളില്‍ പണ്ഡിതരെ സംഘടിപ്പിച്ച് പ്രഭാഷണ പരിപാടി നടത്താറുണ്ട്.
ദുബൈ സുന്നി സെന്ററിനെ സഹകരിപ്പിച്ച് ഗവണ്‍മെന്റ് നടത്തുന്ന പ്രഭാഷണ പരിപാടിയില്‍ മുഖ്യാതിഥിയായി പങ്കെടുക്കുന്ന ജിഫ്‌രി തങ്ങള്‍ സമസ്തയുടെ അധ്യക്ഷപദവി ഏറ്റെടുത്ത ശേഷം ആദ്യമായാണ് യു.എ.ഇയിലെത്തിയത്.
ദുബൈ സുന്നി സെന്റര്‍ ഭാരവാഹികളുടെ നേതൃത്വത്തില്‍ തങ്ങള്‍ക്ക് സ്വീകരണം നല്‍കി.