ചാരുംമൂട്: സ്വകാര്യ ബസ്സിന് പിന്നില്‍ ടിപ്പര്‍ ലോറിയിടിച്ചു യാത്രക്കാര്‍ക്ക്  പരിക്കേറ്റു.കെ.പി റോഡില്‍ ചാരുംമൂട് വി.വി.എച്ച്.എസ്.എസ്സിന് പടിഞ്ഞാറുവശം വെച്ച് ഇന്നലെ രാവിലെ എട്ട് മണിക്കായിരുന്നു സംഭവം.
കായംകുളം ഭാഗത്തേക്ക് പോകുകയായിരുന്ന അനീഷാ മോള്‍ എന്ന സ്വകാര്യ ബസ്സ് യാത്രക്കാരിയെ കയറ്റുവാന്‍ പെട്ടന്ന് നിര്‍ത്തിയപ്പോള്‍ പിന്നില്‍ വരുകയായിരുന്ന ടിപ്പര്‍ ലോറി ഇടിക്കുകയായിരുന്നു. ബസ്സിനകത്തു പിന്നില്‍ യാത്രക്കാരായിരുന്ന ചിലര്‍ക്കാണ്ക്കാണ് പരിക്കേറ്റത്.ഇവര്‍ സമീപ ആശുപത്രിയില്‍ ചികല്‍സ തേടി.സ്‌കൂള്‍ വിദ്യാര്‍ത്ഥികളടക്കം  യാത്രക്കാരായി ബസ്സിലുണ്ടായിരുന്നു. ടിപ്പര്‍ ലോറിയുടെ വേഗത കുറവായത് വന്‍ അപകടത്തില്‍ നിന്ന് രക്ഷിക്കുകയായിരുന്നു. സംഭവം നടന്ന് മണിക്കൂറുകള്‍ കഴിഞ്ഞും വാഹനങ്ങള്‍ തിരക്കേറിയ ഇവിടെ കിടക്കുകയായിരുന്നു.പോലീസും ഏറെ വൈകിയാണ് സ്ഥലത്ത് എത്തിയതെന്നും ആക്ഷേപമുണ്ട്.