ആയഞ്ചേരി: മലിനജലം കെട്ടിനില്‍ക്കുന്ന ആയഞ്ചേരി മത്സ്യമാര്‍ക്കറ്റിന്റെ ശോച്യാവസ്ഥക്ക് പരിഹാരമായില്ല. മഴ തുടങ്ങിയതോടെ മാലിന്യ പ്രശനം രൂക്ഷമായിരിക്കുകയാണ്.
മലിനജലം കെട്ടികിടക്കുന്ന ഇവിടം കൊതുകു വളര്‍ത്തു കേന്ദ്രമായതായും ആക്ഷേപമുണ്ട്. മത്സ്യ മാര്‍ക്കറ്റിലെ മാലിന്യക്കുഴി നിറഞ്ഞ് ഉപയോഗ ശൂന്യമായിട്ട് മാസങ്ങള്‍ കഴിഞ്ഞെങ്കിലും ബദല്‍ സംവിധാനമൊരുക്കാന്‍ അധികൃതര്‍ തയാറായിട്ടില്ല.
മലിന ജലത്തിലേക്ക് വലിച്ചെറിഞ്ഞ പ്ലാസ്റ്റിക് മാലിന്യങ്ങള്‍ ഇതുവരെ നീക്കം ചെയ്തിട്ടില്ല.
തിരുവള്ളൂര്‍ റോഡില്‍ നിന്നു മത്സ്യ മാര്‍ക്കറ്റിലേക്ക് കയറുന്ന റോഡിലും നിര്‍മാണത്തിലെ അപാകത കാരണം പലയിടങ്ങളിലായി മലിന ജലം കെട്ടിക്കിടക്കുന്നുണ്ട്. ഇവിടെയുള്ള ഇറച്ചിക്കടകളിലെ മലിനജലം ഓവുചാലുകളില്ലാത്തതിനാല്‍ റോഡിലേക്കാണ് പരന്നൊഴുകുന്നത്.