പാലക്കാട്: മസ്‌ക്കത്തിലെ വാദ്യകലാകാരന്മാരുടെ കൂട്ടായ്മയായ മേളം മസ്‌കത്തിന്റെ നേതൃത്വത്തില്‍ പഞ്ചാരി മേളം അരങ്ങേറും. പഞ്ചാരിമേളരങ്ങേറ്റത്തില്‍ ചെണ്ടയിലും കുറുകുഴലുലുമായി പതിനഞ്ചോളം പേരാണ് അരങ്ങേറ്റംകുറിക്കുന്നത്.
മേളം മസ്‌കത്തിന്റെ നാലാമത് ബാച്ചിന്റെ അരങ്ങേറ്റത്തിന് മസ്‌ക്കത്തിലുള്ള നാല്‍പതോളം കലാകാരന്മാര്‍ക്കുപുറമെ കേരളത്തില്‍നിന്നുള്ള പ്രശസ്ത കലാകാരന്മാരായ തിമില ചെണ്ട കലാകാരന്‍ പനങ്ങാട്ടിരി മോഹനന്‍, തായമ്പക കലാകാരന്‍ കലൂര്‍ ഉണ്ണികൃഷ്ണന്‍, കുറുകുഴല്‍ കലാകാരന്‍ പട്ടിക്കാട് അജിത് തുടങ്ങി പത്തോളം കലാകാരന്‍മാര്‍ പങ്കെടുക്കുമെന്നും മേളം മസ്‌കത്തിന്റെ ആശാന്‍ പ്രസാദ് അയിലൂര്‍ അറിയിച്ചു. നാളെ മസ്‌ക്കത്തിലെ ദാര്‍സൈത് അല്‍അഹ്‌ലി ഹാളില്‍ വൈകിട്ട് അഞ്ചിന് അഷ്ടപതിയോടെ തുടക്കമാവും. തുടര്‍ന്ന് എഴുപതോളം കലാകാരമാര്‍ അണിനിരക്കുന്ന പഞ്ചാരിമേളം അരങ്ങേറും.