അരീക്കോട്്്: മൂര്‍ക്കനാട് ഹയര്‍ സെക്കന്‍ഡറി സ്‌കൂളില്‍ ജൈവം പദ്ധതിക്ക് തുടക്കമായി. പ്രകൃതി സംരക്ഷണം ലക്ഷ്യമിട്ടാണ് ഒരു വര്‍ഷം നീണ്ടു നില്‍ക്കുന്ന പദ്ധതി നടപ്പാക്കുന്നത്. പ്രമുഖ പരിസ്ഥിതി പ്രവര്‍ത്തകരുമായി സംവാദം, ഡോക്യുമെന്ററി പ്രദര്‍ശനം, മഴക്യാംപ്, പഠനയാത്രകള്‍, അന്വേഷണ പ്രവര്‍ത്തനങ്ങള്‍ തുടങ്ങിയവ നടപ്പാക്കും. പദ്ധതിയുടെ ഉദ്ഘാടനം പ്രകൃതി ഫോട്ടോഗ്രാഫറും സ്‌കൂള്‍ പൂര്‍വ വിദ്യാര്‍ഥിയുമായ സഞ്ജയ് നിര്‍വഹിച്ചു. ജൈവകൃഷിയുടെ പ്രവര്‍ത്തനോദ്ഘാടനം ഹൈഡ്മാസ്റ്റര്‍ ജി.എച്ച് ലിജിന്‍ ഉദ്ഘാടനം ചെയ്തു. എം.ബി രാജേഷ്, സജിത്ത് കുമാര്‍, സ്റ്റാഫ് സെക്രട്ടറി മന്‍സൂറലി എന്നിവര്‍ നേതൃത്വം നല്‍കി.