മുത്തങ്ങ: മുത്തങ്ങ എകൈ്‌സസ് ചെക്ക് പോസ്റ്റില്‍ വന്‍ സ്വര്‍ണ വേട്ട; രേഖകളില്ലാതെ കടത്താന്‍ ശ്രമിച്ച 111 പവന്‍ സ്വര്‍ണം പിടികൂടി. സംഭവത്തില്‍ മലപ്പുറം വണ്ണത്തുപാറ മച്ചിങ്ങല്‍ ഷാജഹാന്‍(29) നെ കസ്റ്റഡിയിലെടുത്തു. ഇന്ന് വൈകിട്ട് ആറു മണിയോടെ മൈസൂരില്‍ നിന്നും പെരിന്തല്‍മണ്ണയിലേക്ക് വരുകയായിരുന്ന കെ.എസ്.ആര്‍.ടി സി ബസില്‍ നിന്നാണ് 888 ഗ്രാം സ്വര്‍ണവുമായി ഷാജഹാനെ വാഹന പരിശോധനക്കിടെ എകൈ്‌സസ് പിടികൂടിയത്.

മലപ്പുറേത്തക്കാണ് സ്വര്‍ണം കൊണ്ടു പോകുന്നതെന്നാണ് ചോദ്യം ചെയ്യലില്‍ ഇയാള്‍ പറഞ്ഞതെന്ന് പരിശോധനയ്ക്ക് നേതൃത്വം നല്‍കിയ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.എം മജു പറഞ്ഞു. ഷാജഹാന്‍ പോക്കറ്റില്‍ കവറിലാക്കി കടലാസില്‍ പൊതിഞ്ഞ നിലയിലായിരുന്നു സ്വര്‍ണം സൂക്ഷിച്ചിരുന്നത്. പിടികൂടിയ സ്വര്‍ണവും ആളെയും ജി.എസ്.ടി ഡിപ്പാര്‍ട്ട് മെന്റിന് കൈമാറും.