ഗൂഡല്ലൂര്‍: പുള്ളി പുലി കിണറ്റില്‍ വീണ് ചത്തു. ഗൂഡല്ലൂര്‍ ഒന്നാംമൈല്‍ ആനസത്തകൊല്ലിയിലെ നടരാജിന്റെ വീടിന്റെ പിന്‍വശത്തുള്ള ഉപയോഗിക്കാത്ത കിണറ്റിലാണ് പുലി വീണത്.
ആറ് വയസ് പ്രായം തോന്നിക്കുന്ന പെണ്‍ പുലിയാണ് ചത്തത്. ജഡത്തിന് ഒരു ദിവസത്തെ പഴക്കമുണ്ട്. ഇര തേടുന്നതിനിടെ അബദ്ധത്തില്‍ കിണറ്റിലേക്ക് വീണതായിരിക്കുമെന്നാണ് വനം വകുപ്പ് നിഗമനം. വിവരമറിഞ്ഞ് എ.സി.എഫ് പുഷ്പാകരന്‍, ഗൂഡല്ലൂര്‍ റെയ്ഞ്ചര്‍ ശെല്‍വരാജ് എന്നിവര്‍ സംഭവസ്ഥലത്തെത്തി പുലിയെ ഈട്ടിമൂലയിലെ വനം വകുപ്പ് ഓഫിസിലേക്ക് കൊണ്ടുപോയി. ഡോ. വിജയരാഘവന്‍ പോസ്റ്റ്‌മോര്‍ട്ടം നടത്തി.