കൊണ്ടോട്ടി: പ്രതികൂല കാലാവസ്ഥ മൂലം കരിപ്പൂരില്‍ മൂന്ന് വിമാനങ്ങള്‍ കൊച്ചിയിലേക്ക് തിരിച്ചുവിട്ടു. ഞായറാഴ്ച പുലര്‍ച്ചെ ബഹ്‌റൈനില്‍ നിന്നെത്തിയ ഗള്‍ഫ് എയര്‍, അബൂദബിയില്‍ നിന്നുള്ള എയര്‍ഇന്ത്യ എക്‌സ്പ്രസ്, ഷാര്‍ജയില്‍ നിന്നുള്ള എയര്‍ഇന്ത്യ എന്നീ വിമാനങ്ങളാണ് തിരിച്ചുവിട്ടത്.

വിമാനങ്ങള്‍ ലാന്‍ഡിങിനായി നിരവധി തവണ വട്ടമിട്ട് പറന്നെങ്കിലും അന്തരീക്ഷം മേഘാവൃതമായതിനാല്‍ ഇറങ്ങാനാകാത്തതിനാല്‍ കൊച്ചിയിലേക്ക് തിരിച്ചുവിടുകയായിരുന്നു. ഈ വിമാനങ്ങള്‍ പിന്നീട് രാവിലെ തിരിച്ചെത്തി തുടര്‍ സര്‍വിസ് നടത്തി.