കോഴിക്കോട്: തന്നെ ലൈംഗികമായി പീഡിപ്പിച്ചെന്ന യുവതിയുടെ പരാതിയില്‍ പൊലിസ് എസ്.ഐക്കെതിരേ കേസ്. കോഴിക്കോട് എ.ആര്‍ ക്യാംപിലെ എസ്.ഐ ജി.എസ് അനിലിനെതിരേയാണ് പയ്യോളി പൊലിസ് കേസെടുത്തത്.

പയ്യോളി സ്വദേശനിയാണ് പരാതിക്കാരി. കേസെടുത്തതിന് പിന്നാലെ ഇയാള്‍ ഒളിവില്‍ പോയതായാണ് ലഭിക്കുന്ന വിവരം. 2017 മുതല്‍ ഇയാള്‍ ഭര്‍ത്താവില്‍ നിന്നും അകന്ന് കഴിയുന്ന തന്നെ പീഡിപ്പിച്ചിരുന്നുവെന്നാണ് പരാതിയില്‍ പറയുന്നത്. അനിലിനെതിരേ ബലാത്സംഗം, തട്ടിക്കൊണ്ടുപോകല്‍, പിടിച്ചുപറി, ശാരീരിക മര്‍ദ്ദനം എന്നീ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്. പയ്യോളി സി.ഐ എം.ആര്‍ ബിജുവിനാണ് അന്വേഷണ ചുമതല.