കണ്ണൂര്‍: എസ്.ബി.ഐ ജങ്ഷനില്‍ സ്ഥാപിച്ച നിരീക്ഷണ കാമറയുടെ ദൃശ്യങ്ങള്‍ മറക്കുംവിധം വളര്‍ന്ന മരത്തിന്റെ ചില്ലകള്‍ വെട്ടിമാറ്റി. നഗരസുരക്ഷയ്ക്കായി സ്ഥാപി
ച്ച കാമറകള്‍ മരച്ചില്ലകളാല്‍ മറയ്ക്കപ്പെട്ടിട്ടും കണ്‍ട്രോള്‍ റൂം അധികൃതര്‍ ഇക്കാര്യം അറിഞ്ഞില്ലെന്ന കാര്യം സുപ്രഭാതം ഇന്നലെ റിപ്പോര്‍ട്ട് ചെയ്തിരുന്നു. ഇതേത്തുടര്‍ന്നാണ് കാമറയെ മറയ്ക്കുന്ന നിലയില്‍ വളര്‍ന്ന മരക്കൊമ്പുകള്‍ അധികൃതര്‍ വെട്ടിമാറ്റിയത്. നഗരത്തെ കുറ്റവാളികളും സാമൂഹ്യവിരുദ്ധരും താവളമാക്കുന്നത് തടയാന്‍ പൊലിസിന്റെ സഹകരണത്തോടെ കോര്‍പറേഷന്റെ നേതൃത്വത്തിലാണ് എസ്.ബി.ഐ ജങ്ഷനിലും നഗരത്തിന്റെ വിവിധ ഭാഗങ്ങളിലുമായി 90 ലക്ഷം രൂപ ചെലവില്‍ 60 ഓളം കാമറകള്‍ സ്ഥാപിച്ചത്.