HOME
DETAILS

മെഡിക്കല്‍ കോളജ് മാലിന്യ സംസ്‌കരണത്തിന് ആധുനിക സംവിധാനം വേണം : എ.ഐ.വൈ.എഫ്

  
backup
June 09 2017 | 23:06 PM

%e0%b4%ae%e0%b5%86%e0%b4%a1%e0%b4%bf%e0%b4%95%e0%b5%8d%e0%b4%95%e0%b4%b2%e0%b5%8d%e2%80%8d-%e0%b4%95%e0%b5%8b%e0%b4%b3%e0%b4%9c%e0%b5%8d-%e0%b4%ae%e0%b4%be%e0%b4%b2%e0%b4%bf%e0%b4%a8%e0%b5%8d%e0%b4%af

കോട്ടയം: മെഡിക്കല്‍ കോളജിലെ മാലിന്യം സംസ്‌ക്കരിക്കുന്നതിന് ആധുനിക സംവിധാനം ഏര്‍പ്പെടുത്തണമെന്നും  സമീപവാസികളുടെ ജലസ്രോതസുകള്‍ മലിനമാകുന്നത് തടയാന്‍ അടിയന്തിര നടപടി സ്വീകരിക്കണമെന്നും ആവശ്യപ്പെട്ട് എെൈവെഎഫ് കോട്ടയം മെഡിക്കല്‍ കോളജിലേക്ക് മാര്‍ച്ച് നടത്തി. മെഡിക്കല്‍ കോളജിന്റെ സമീപത്തുള്ള 12ലധികം വീടുകളിലെ കിണറുകളും മറ്റ് ജലസ്രോതസ്സുകളും  മലിനമാകുന്നത് നിത്യസംഭവമായിരിക്കുകയാണ്.
നിരവധി പരാതികള്‍ ബന്ധപ്പെട്ട അധികാരികള്‍ക്ക്‌നല്‍കിയിരുന്നെങ്കിലും പരിഹാരം ഉണ്ടാകാതെ വന്നതിനാലാണ് എെൈവെഎഫ് ഏറ്റുമാനൂര്‍ മണ്ഡലം കമ്മറ്റിയുടെ ആഭിമുഖ്യത്തില്‍ ഇന്നലെ രാവിലെ സമരം സംഘടിപ്പിച്ചത്.
മെഡിക്കല്‍ കോളജ് പരിസരത്ത് നിന്നും ആരംഭിച്ച മാര്‍ച്ച് സൂപ്രണ്ട് ഓഫീസിന് മുന്നില്‍ പൊലീസ് തടഞ്ഞു. തുടര്‍ന്ന് നടന്ന ധര്‍ണ്ണാസമരം എഐവൈഎഫ്ജില്ലാ സെക്രട്ടറി പി പ്രദീപ് ഉദ്ഘാടനം ചെയ്തു.
 തുടര്‍ന്ന് മെഡിക്കല്‍ കോളജ് ആര്‍എംഒയും ഗാന്ധിനഗര്‍ എസ്‌ഐയും എഐവൈഎഫ് പ്രതിനിധികളുമായി നടത്തിയ ചര്‍ച്ചയില്‍ തിങ്കളാഴ്ച ഉച്ചയ്ക്ക് ആര്‍എംഒയും എഐവൈഎഫ് പ്രതിനിധികളും പ്രദേശവാസികളുമായി സംയുക്തമായി മാലിന്യപ്രശ്‌നം നിലനില്‍ക്കുന്ന സ്ഥലം സന്ദര്‍ശിച്ച് സ്ഥിതിഗതികള്‍ നേരിട്ട് വിലയിരുത്താനും പ്രശ്‌നങ്ങള്‍ പഠിച്ച് പരിഹാരം കാണുമെന്നും മെഡിക്കല്‍ കോളജ് ആര്‍ എം ഒ സമരക്കാര്‍ക്ക് ഉറപ്പ് നല്‍കിയതിനെ തുടര്‍ന്ന് താല്‍ക്കാലികമായി സമരമവസാനിപ്പിച്ചു.
തുടര്‍ന്ന് പ്രശ്‌നപരിഹാരമുണ്ടാകാതെ വന്നാല്‍ ശക്തമായ സമരം തുടങ്ങുമെന്നും എഐവൈഎഫ് അറിയിച്ചു. സമരത്തില്‍ എഐവൈഎപ് നേതാക്കളായ ലിജോയ് കുര്യന്‍, ഫിലിപ് ഉലഹന്നാന്‍, രാജേഷ് ചെങ്ങളം, സിപിഐ ലോക്കല്‍ സെക്രട്ടറി പി ജി സുഗതകുമാര്‍, സിപിഐ മണ്ഡലം കമ്മറ്റിയംഗം സി വി ചെറിയാന്‍, എഐഎസ്എഫ് നേതാക്കളായ കെ ഋഷിരാജ്, എസ് ഷാജോ, ആര്‍പ്പൂക്കര പഞ്ചായത്തംഗം അജിതകുമാര്‍, എഐവൈഎഫ് ജില്ലാ വൈസ് പ്രസിഡന്റ് കെ ബി അജേഷ് എന്നിവര്‍ പ്രസംഗിച്ചു. സി കെ മോഹനന്‍, കെ എസ് അനൂപ്, അന്‍സ് കാരിമറ്റം, രാജേഷ് കെ കെ, അഖില്‍ വിഷ്ണു, സുരേഷ് പനമ്പാലം, തോമസ് എന്നിവര്‍ നേതൃത്വം നല്‍കി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."