കരുനാഗപ്പള്ളി: ഓച്ചിറ ക്ലാപ്പന ആലുംപീടിക കായല്‍ റിസോര്‍ട്ടില്‍ യുവാവ് ദൂരുഹ സാഹചര്യത്തില്‍ മരിച്ച നിലയില്‍. സ്വകാര്യ ചാനലിലെ താല്‍ക്കാലിക ഡ്രൈവര്‍ ചങ്ങാനശ്ശേരി കറുകച്ചാല്‍ നെടുംകുന്നം ചെറുകിട തഴയില്‍ വീട്ടില്‍ സണ്ണിയുടെ മകന്‍ ബിബിന്‍ സി.വര്‍ഗ്ഗീസിനെ (34)യാണ് മരിച്ച നിലയില്‍ കണ്ടെത്തിയത്. മൃതദേഹം ഓച്ചിറ സ്വകാര്യ ആശുപത്രി മോര്‍ച്ചറിയില്‍. ആലപ്പാട്ടുള്ള സുഹൃത്തിന്റെ വിവാഹത്തിന് പങ്കെടുക്കാന്‍ ബിബിനും സുഹൃത്തുക്കളും കഴിഞ്ഞ ദിവസം രാത്രിയിലാണ് റിസോര്‍ട്ടിലെത്തിയത്. ഓച്ചിറ പോലീസ് അന്വേഷണം ആരംഭിച്ചു.