മാനന്തവാടി: അനസ്‌തേഷ്യ നല്‍കാന്‍ കൈക്കൂലി ആവശ്യപ്പെട്ട ഡോക്ടര്‍ക്കെതിരേ പരാതി. നടവയല്‍ കുര്യന്‍ വരപ്പെട്ടിയില്‍, വെള്ളമുണ്ട സുരേഷ് ഇണ്ടെരി, അപ്പപാറ സ്വദേശിയായ രഞ്ജിത്ത് എന്നിവരാണ് പരാതിക്കാര്‍.
ജില്ലാ ആശുപത്രിയിലെ അനസ്‌തേഷ്യ ഡോക്ട്ടര്‍മാരില്‍ ഒരാളായ വി.പി ഉസ്മാന്‍ കൃത്യനിര്‍വഹണത്തിനായി കൈകൂലി ചോദിച്ച് വാങ്ങിയതായാണ് പരാതി ഉയര്‍ന്നിരിക്കുന്നത്. മൂവരും ഹെര്‍ണ്ണിയ പോലുള്ള രോഗം പിടിപ്പെട്ട് ഓപ്പറേഷന് വിധേയമാകാന്‍ ഡോക്ടര്‍മാര്‍ നിര്‍ദേശിച്ചവരാണ്. ഇതനുസരിച്ച് വിവിധ ടെസ്റ്റുകള്‍ക്ക് വിധേയരായ ഇവര്‍ ശസ്ത്രക്രിയ സമയത്ത് അനസ്‌തേഷ്യ നല്‍കുന്നതിനായാണ് ഡോക്ട്ര്‍ ഉസ്മാനെ സമീപിച്ചത്. ഡോക്ട്ടറെ കാണുന്നതിന് പോലും 200 രൂപ ചോദിച്ചു വാങ്ങുന്നതായും അനസ്‌തേഷ്യ നല്‍കുന്നതിനായി 1000 വും 1500 രൂപയും നിര്‍ബന്ധമായും വാങ്ങിക്കുകയുമാണ് ഡോക്ട്ടര്‍ ചെയ്തത്.ഡോക്ട്ടര്‍ പറഞ്ഞതനുസരിച്ച് പണം നല്‍കിയിട്ടും ഓപ്പറേഷന്‍ സമയത്ത് ഡോക്ടര്‍ അനസ്‌തേഷ്യ നല്‍കാന്‍ എത്തിയില്ലന്നും മറ്റൊരു ഡോക്ടറുടെ കരുണ കൊണ്ടാണ് തങ്ങളുടെ ഓപ്പറേഷന്‍ നടത്താന്‍ കഴിഞ്ഞതെന്നും പരാതിക്കാര്‍ പറയുന്നു.