കോഴിക്കോട്: ഹര്‍ത്താലിനെ തുടര്‍ന്ന് രണ്ടു ദിവസങ്ങളിലായി ജില്ലയില്‍ കെ.എസ്.ആര്‍.ടി.സി നടത്തിയ സര്‍വിസ് ഭാഗികം.
 പ്രധാന ഡിപ്പോകളായ തൊട്ടില്‍പ്പാലം, താമരശേരി, കോഴിക്കോട് ഡിപ്പോകളില്‍ നിന്നായി പൊലിസ് സുരക്ഷയിലാണ് സര്‍വിസ് നടത്തിയത്. അതേസമയം വിവിധ സ്ഥലങ്ങളിലേക്കു യാത്രക്കായി എത്തിയവര്‍ കെ.എസ്.ആര്‍.ടി.സി ബസ് സ്റ്റാന്‍ഡില്‍ കുടുങ്ങി. ഇതര സംസ്ഥാനങ്ങളിലേക്കും ജില്ലകളിലേക്കുമുള്ള സര്‍വിസില്‍ തടസങ്ങളുണ്ടായില്ല.
രണ്ടും മൂന്നും ബസുകള്‍ ഒരേ സമയമാണ് ജില്ലയില്‍ സര്‍വിസ് നടത്തിയത്.
സ്ത്രീകളും കുട്ടികളും പ്രായമായവരും ഉള്‍പ്പെടെ വലിയ വിഭാഗം യാത്രക്കാരാണ് ബസില്ലാത്തതിനാല്‍ വലഞ്ഞത്.